வெறும் பானை பொங்காது !
---------------------------------------------------------------------------------------
நல்வழி
என்பது ஔவையார் என்னும் தமிழ் மூதாட்டியார் அருளிய செவ்விய தமிழ் நூல்களுள் ஒன்று.
இந்நூல் கி.பி. 9-ஆம் நூற்றாண்டுக்குப் பின்
தோன்றியது என்பது அறிஞர்களின் கருத்து !
---------------------------------------------------------------------------------------
பாடல்
(17) செய்தீ வினையிருக்க !
---------------------------------------------------------------------------------------
செய்தீ
வினையிருக்கத் தெய்வத்தை நொந்தக்கால்
எய்த
வருமோ இருநிதியம் – வையத்து
அறும்பாவம்
என்னவறிந்து அன்றிடார்க் கின்று
வெறும்பானை
பொங்குமோ மேல் !
---------------------------------------------------------------------------------------
சந்தி
பிரித்து எழுதிய பாடல்:
---------------------------------------------------------------------------------------
செய்
தீவினை இருக்கத் தெய்வத்தை நொந்தக் கால்
எய்த
வருமோ இரு நிதியம் – வையத்து
அறும்
பாவம் என்ன அறிந்து அன்று இடார்க்கு இன்று
வெறும்
பானை பொங்குமோ மேல்
!
----------------------------------------------------------------------------------------
வடசொல்:
பாவம் = தீவினை
-----------------------------------------------------------------------------------------
அருஞ்சொற்பொருள்:
----------------------------------------------------------------------------------------
வையத்துப்
பாவம் அறும் என்ன அறிந்து = பூமியிலே (அறம் செய்தலினாலே) தீவினைகள் நீங்கும் என்று உணர்ந்து
; அன்று இடார்க்கு = அக்காலத்திலே ஈயாதவர்க்கு
; செய் தீ வினை இருக்க = செய்த அத் தீவினை
(வறுமைக்கு வித்தாய்)
இருக்க ; இன்று தெய்வத்தை நொந்தக்கால்
= இப்பொழுது கடவுளை வெறுத்தால் ; இரு நிதியம் எய்த
வருமோ = பெரிய செல்வங்கள் பொருந்த வருமோ (வராது) ; வெறும் பானை மேல் பொங்குமோ = வெறும் பானை (அடுப்பில் வைத்து எரித்தல்) மேலே பொங்குமோ (பொங்காது).
-----------------------------------------------------------------------------------------
பொருளுரை:
------------------------------------------------------------------------------------------
பானையில் பால் இட்டுக் காய்ச்சினால் அல்லவோ அது பொங்கும் ! வெறும் பானையை அடுப்பில் ஏற்றித் தீமூட்டி பொங்கு என்றால் பொங்குமா ?
அறம்
செய்வதால் தீவினைகள் நீங்கும் என்பதை உணர்ந்து, மனிதர்கள் அறச் செயல்களில் ஈடுபட வேண்டும் !
அவ்வாறு
செய்யாமல் ஈகைக் குணம் இன்றித் தன்னல நோக்குடன் இருந்தவர்கள்,
தாம் செய்த தீவினைகள் காரணமாக வறுமையில் உழல நேர்கிறது !
வறுமை
வந்த பிறகு கடவுளை நொந்துகொள்வதால் ஆகப் போவது ஒன்றுமில்லை ! நல்வினைகள் ஆற்றாமல் தீவினைகள் செய்தவர்களுக்கு செல்வம் எப்படி வந்து சேரும் ?
----------------------------------------------------------------------------------------
சுருக்கக்
கருத்து:
-----------------------------------------------------------------------------------------
வறியவர்
அவ்வறுமைக்கு வித்தாகிய தீவினையைச் செய்த தம்மை நோவாது, தெய்வத்தை நோதலிற் பயன் இல்லை !
------------------------------------------------------------------------------------------
ஆக்கம்
+ இடுகை:
வை.வேதரெத்தினம்,
(veda70.vv@gmail.com)
ஆட்சியர்,
”நல்வழி” வலைப்பூ,
[தி.ஆ: 2051, சிலை (மார்கழி) 23]
{07-01-2022}
-----------------------------------------------------------------------------------------
